नीक लोक

नीक लोक ओ

जे रहैत अछि इमानदार

बेइमानी जखन धरि

रहैत अछि नुकाएल

नीक लोक ओ

जे रहैत अछि सत्यवादी

पकड़ल नहि जाइत छैक

जखन धरि झूठ

नीक लोक ओ

जे रहैत अछि संस्कारी

जखन धरि आगू नहि

आबैत छै राक्षसी प्रवृति

नीक लोक ओ

जे रहैत अछि विश्वासी

जखन धरि मुँह नहि खोलैत अछि

धोखा पाओल लोक

नीक लोक ओ

जे नहि करत अश्लील गप

जखन धरि आगू नहि

आबैत अछि कामुक प्रस्ताव

नीक लोक ओ

जे करत लोक संग मीठ गप

जखन धिर आगू नहि

आबैत छैक प्रताड़ित पत्नी

( हम पुछैत छी )